سورج مُکھی کے ضرر رساں کیڑے اور انکا انسداد :

دیمک:

یہ کیڑے چیونٹی سے مشابہ ہوتے ہیں۔ انکا رنگ ہلکا زرد ہوتا ہے یہ زمین کے اندر گھر بنا کر خاندان کی صورت میں رہتے ہیں یہ پودے کی جڑوں اور تنوں پر حملہ کرتے ہیں۔ تنے اور جڑ کے اندر داخل ہو کر اسے کھوکھلا کر دیتے ہیں۔ جس سے پودے کے اوپر والے حصے کو خوراک کی فراہمی نہیں ہوتی اور متاثرہ پودا سوکھ جاتا ہے اور اسے آسانی سے اکھاڑا جا سکتا ہے۔
کلورپائری فاس ای سی بحساب تالیٹر فی ایکڑ آبپاشی کر ساتھ استعمال کریں یا فیپرونل فیصد ایس سی بحساب لیٹر فی ایکڑ آبپاشی کے ساتھ استعمال کریں۔
اگر کھیت میں دیمک موجود ہے تو مندرجہ بالا زہریں کھیت کی تیاری سے پہلے ڈال دیں۔

ٹوکا:

یہ کیڑااُگتی ہوئی فصل پر حملہ آورہوتا ہے۔ کھیتوں میں اُڑان کرتا اور پھدکتا نظر آتا ہے۔ بالغ اور بچے دونوں سورج مُکھی کے اگتے ہوئے پودوں کو کھا کر تباہ کر دیتے ہیں۔
لیمبڈاسائی ہیلوتھرین اس سی بحساب سے ملی لیٹر فی ایکڑ سپرے کریں یا بائی فینتھرین فیصد ایس سی بحساب تا ملی لیٹر فی ایکڑ سپرے کریں۔

سفید مکھی :

اس مکھی کے بالغ اور بچے دونوں ہی پتوں کا رس چوستے ہیں جس سے پودے کمزور ہو جاتے ہیں۔اسکے بچے پتوں کی نچلی سطح پر چمٹے ہوتے ہیں۔اسکی مادہ اپنی پوری زندگی میں پتوں کی نچلی سطح پر تقریباانڈے دیتی ہے۔سفید مکھی جہاں سے رس چوستی ہے وہاں شہد جیسی رطوبت خارج کرتی ہے۔ جس پر پھپھوندی اگ جانے کی وجہ سے ضیائی تالیف کا عمل متاثر ہوتا ہے۔ یہ کیڑا سورج مکھی میں وائرسی بیماریاں پھیلانے کا سبب بنتا ہے اس کا حملہ گرم اور خشک موسم میں زیادہ ہوتا ہے۔
سپائیروٹیٹرامیٹ ایس سی بائیوپاور بحساب ملی لیٹر فی ایکڑ سپرے کریں۔ پائری پروکسی فن ای سی بحساب ملی لیٹرفی ایکڑ سپرے کریں۔ اسیٹامیپرڈ ایس پی بحساب تا گرام فی ایکڑ سپرے کریں۔

چست تیلہ :

یہ سبز رنگ کا چھوٹا سا کیڑا ہوتا ہےایک جگہ سے دوسری جگہ تیزی سے حرکت کرتا ہے اور سارا سال فعال رہتا ہے۔اسکا حملہ مارچ اپریل میں زیادہ ہوتا ہے۔اس کے بچے اور بالغ دونوں پتوں سے رس چوستے ہیں جسکی وجہ سے پتوں پر نشان بن جاتے ہیں اور آہستہ آہستہ پتے خشک ہو جاتے ہیں۔ درمیانی عمر کے پتوں پر حملہ زیادہ ہوتا ہے۔ حملہ زیادہ ہونے کی صورت میں پتے نیچے کی طرف مڑ جاتے ہیں اور خوراک بننے کا عمل متاثر ہوتا ہے جس سے پیداوار میں خاظر خواہ کمی واقع ہوتی ہے۔
امیڈاکلوپرڈایس ایل بحساب ملی لیٹر پانی میں حل کر کے ایک ایکڑ پر سپرے کریں۔ کاربوسلفان ای سی بحساب تا ملی لیٹر فی ایکڑ سپرے کریں۔

سست تیلہ :

یہ کیڑا بہت چھوٹا اور سست ہوتا ہے۔اس کے بچے اور بالغ کے پر سیاہی مائل سبز رنگ کے ہوتے ہیں۔یہ گچھوں کی شکل میں نظر آتا ہے۔اس کا حملہ پودے کے اوپر والے پتوں پر زیادہ ہوتا ہے۔یہ کیڑا ایک مادہ خارج کرتا ہے تو متاثرہ پودے پر سیاہ رنگ کی پھپھوندی لگ جاتی ہے۔جس سے خوراک بنانے کا عمل رک جاتا ہے۔یہ کیڑے پودے کا رس چوستے ہیں جس سے پودے کمزور ہو جاتے ہیں اور پتے کے کنارے اوپر کی طرف مڑ جاتے ہیں۔ زیادہ حملہ کی صورت میں پودے کی بڑھوتری رک جاتی ہے۔
اکاربوسلفان ای سی بحساب ملی لیٹر فی ایکڑ سپرے کریں۔ بائی فینتھرین ای سی بحساب ملی لیٹر فی ایکڑ سپرے کریں۔ امیڈاکلوپرڈ ایس سی بحساب تا ملی لیٹر فی ایکڑ سپرے کریں۔

جوئیں :

یہ ایک بہت چھوٹا سا کیڑا ہے جس کا رنگ ہلکا بھورا ہوتا ہے۔ یہ پتوں پر کالونی بناتے ہیں۔یہ پتوں پر حملہ کرتی ہیں اور پتوں کی نچلی سطح پر بہت زیادہ تعداد میں ملتی ہیں۔ یہ پتوں کا رس چوستی ہیں پتے خشک ہو کر گر جاتے ہیں۔ گرم موسم میں پانی کی کمی ہر گز نہ آنے دیں۔
سپائرومیسی فن ایس سی بحساب ملی لیٹر فی ایکڑ سپرے کریں۔ فن پراکسی میٹ ای سی بحساب ملی لیٹر فی ایکڑ سپرے کریں۔

چور کیڑا :

اس کی سنڈی کا رنگ سبزی مائل بھورا ہوتا ہے جبکہ سر چمکیلا سیاہ ہوتا ہے۔یہ دن کے وقت زمین میں چھپی رہتی ہیں اور رات کو نوزائیدہ پودوں کو زمین کے برابر سے کاٹ دیتی ہیں۔
کاربارائل فیصد بحساب کلو گرام فی ایکڑ راکھ میں ملا کر دھوڑ کریں۔

لشکری سنڈی :

یہ سنڈی ابتدائی حالت میں سفید اور بعد میں سیاہی مائل سبز رنگ کی ہو جاتی ہے۔یہ پتوں کی نچلی سطح سے کھانا شروع کرتی ہیں اور پتے کی باریک جھلی باقی رہ جاتی ہیں۔ شدید حملے کی صورت میں پورے پتے کھا جاتی ہیں۔
ایمامیکٹن بنزوایٹ ای سی بحساب ملی لیٹر فی ایکڑ سپرے کریں۔ فلوبینڈامائیڈایس سی بحساب ملی لیٹر فی ایکڑ سپرے کریں۔ لیوفینوران ای سی بحساب ملی لیٹر فی ایکڑ سپرے کریں۔ کلورینٹرانیلی پرولایس سی بحساب ملی لیٹر فی ایکڑ سپرے کریں۔

امریکن سنڈی:

نوزائیدہ سنڈی کے جسم کا رنگ سفید اور سر سیاہ ہوتا ہے جبکہ پوری عمر کی سنڈی کا رنگ زرد یا گہرا سبز ہوتا ہے۔یہ سنڈی جس فصل پر ہوتی ہے اس طرح کا رنگ اختیار کر لیتی ہے۔ مارچ کے آخری ہفتے حملہ آور ہوتی ہے۔ یہ سنڈی پہلے نرم حصوں جیسا کہ سیپل، پیٹل پر حملہ کرتی ہیں پھر پھول پر حملہ آور ہوتی ہیں۔ یہ پتوں اور شگوفوں کو کھا جاتی ہیں۔ پھول کی ابتدائی بند حالت پر اس کا حملہ زیادہ ہوتا ہےاور سنڈیاں بند پھول کے اندر داخل ہو کر زردانے اور نئے بیج بننے کے عمل کو نقصان پہنچاتی ہیں۔
سپائنٹورام ایس سی بحساب ملی لیٹر فی ایکڑ سپرے کریں۔ فلوبینڈامائیڈ ایس سی بحساب ملی لیٹر فی ایکڑ سپرے کریں۔ ایمامیکٹن بینزوایٹ ای سی ملی لیٹر فی ایکڑ سپرے کریں۔ کلورینٹرا نیلی پرول ایس سی بحساب ملی لیٹر فی ایکڑ سپرے کریں۔