مکئی کا پیداواری منصوبہ

وقت کاشت:

بہاریہ مکئی : ( موزوں وقت کاشت)جنوری کے آخر سے لیکر فروری کے آخر تک کاشت کی جا سکتی ہے۔ راولپنڈی اور دوسرے پہاڑی علاقوں میں بہاریہ مکئی کا موزوں وقت کاشت 15مارچ
سے 15 اپریل تک ہے۔

خریف کاشت: مکئی کی موسمی کاشت کے لیےموزوں وقت وسط جولائی تا وسط اگست ہے۔

شرح بیج :

صاف ستھرے، صحت مند، خالص اور 90 فیصد اگاؤ والے بیج کی وٹوں پر کاشت کے لیے عام اقسام کے لیے شرح بیج 8 تا 10(ہائبرڈ بیج 10 ) کلو گرام فی ایکڑ رکھیں۔ جبکہ بذریعہ سنگل
رو کاٹن ڈرل سے بوائی کے لیے(صرف بارانی علاقے) شرح بیج 12 سے 15 کلو گرام فی ایکڑ استعمال کریں۔

فی ایکڑ پودوں کی تعداد: ہائبرڈ اقسام کے پودوں کی تعداد بہاریہ فصل میں33- 35ہزار اور خریف میں 30-32 ہزار پودے فی ایکڑ ہونے چاہیئے، جبکہ عام اقسام کے لیے بہاریہ فصل
میں پودوں کی تعداد 30 ہزار اور خریف میں 23 تا 26 ہزار فی ایکڑ ہونی چاہیئے۔پودوں کا باہمی فاصلہ 6-8 انچ رکھیں۔

نوٹ: مکئی کو ساڑھے تین فٹ کے باہمی فاصلہ پر بنائی گئی پٹڑیوں پر بھی کاشت کیا جا سکتا ہے، اس صورت میں مکئی کا چوکا پٹڑیوں کی دونوں اطراف لگانا چاہئیے۔
وٹوں پر کاشت کی صورت میں 2.5 فٹ کے فاصلے پر شرقا غربا باہمی وٹیں بنائیں اور ہلکا پانی لگانے کے فورا بعد وٹوں کی ڈھلوان پر ایک ایک بیج کا چوکا لگا دیں۔ بہاریہ کاشت کی صورت
میں وٹوں کی جنوبی سمت اور خریف کاشت میں شمالی سمت پر چوکا لگائیں۔

سفارش کردہ اقسام :

عام اقسام: ملکہ۔2016، گوہر۔ 19، ساہیوال گولڈ، سرحد سفید، پرل، ایم ایم آر آئی ییلو۔

دوغلی ( ہائبرڈ ) اقسام

بہاریہ کاشت	موسمی کاشت
ہائی کارن۔ 11 پلس	ہانی کارن۔339
ڈی کے۔9108	ہانی کارن۔555
وائی ایچ۔5427	ایف ایچ۔1036
ایچ سی۔2090	ڈی کے۔8148
ڈی کے۔6724	وائی ایچ۔ 5427
ڈی کے۔6103	پی-4040
ڈی کے۔6317	30T60
	30Y87

مکئی کی عام اقسام اور ان کا موزوں وقت کاشت

علاقے/ اضلاع	اقسام	وقت برائے موسمی کاشت
بہاولنگر، رحیم یار خان، بہاولپور، ملتان، فیصل آباد، جھنگ، چنیوٹ،اوکاڑہ، ساہیوال، سرگودھا، میانوالی، نارووال، لاہور، سیالکوٹ، گوجرانوالہ، شیخوپورہ۔	ساہیوال ,2002- ایم ایم آر آئی ییلو، پرل، ساہیوال گولڈ، گوہر- 19	15 جولائی تا 10 اگست
جہلم، گجرات، اٹک،راولپنڈی (سوائے راولپنڈی کے پہاڑی علاقے)	اگیتی 2002-، ساہیوال 2002-، ایم ایم آر آئی ییلو، پرل	مون سون کے مطابق کاشت کریں
ضلع راولپنڈی کے پہاڑی علاقے	ایم ایم آر آئی ییلو، پرل، ساہیوال 2002-، اگیتی- 2002	15 مارچ تا 15 اپریل

بیج کو زہر لگانا:

ابتدائی مرحلے میں رس چوسنے والے کیڑوں خصوصا کونپل کی مکھی کے حملہ سے بچاؤ اور فصل کو بیماریوں کے حملہ سے بچانے کے لیے ایزوکسی سٹروبن + کلو تھیانیڈن 62.5 فیصد بحساب 9 گرام فی
کلو بیج یا امیڈا کلوپرڈ +ٹیبوکونازول 37.25 فیصد بحساب 10 ملی لیٹر فی کلو گرام بیج یا ایزوکسی سٹروبن + کلو تھیانیڈن + فلو ڈی آکسی نل 72 فیصد بحساب 9 گرام فی کلو گرام بیج لگا کر کاشت کریں۔

آبپاشی کے اہم مراحل:

وٹوں پر کاشت کی گئی مکئی کو اگاؤ تک وتر حالت میں رکھیں، اور پہلے چھ پانی 5 سے 7 دن کے وقفہ سے لگائیں، اسکے بعد موسمی حالات اور فصل کی ضرورت کے مطابق آبپاشی کا وقفہ کم کر دیں۔ پھول
آنے عمل زیرگی اور دانے کی دودھیا حالت میں فصل کو سوکا نہ آنے دیں، کیونکہ ان مراحل پر پانی کی کمی سے پیداوار متاثر ہوتی ہے۔ مکئی کی بہاریہ فصل کو عموما 12 تا 14 مرتبہ پانی دینے کی ضرورت
ہوتی ہے۔موسمی مکئی کی بوائی چونکہ گرم موسم میں ہوتی ہے، اس لیے فصل کے شروع کے مراحل میں آبپاشی کا وقفہ کم رکھیں اور درجہ حرارت میں کمی کے ساتھ آبپاشی کا وقفہ بڑھا دیں۔ موسمی یعنی
خریف کاشتہ مکئی کو 10-12 مرتبہ آبپاشی کی ضرورت ہوتی ہے۔

نوٹ:زمین کی ساخت اور موسمی حالات کو مدنظر رکھتے ہوئے، پانی لگانے کے وقت میں ردوبدل کیا جا سکتا ہے۔

کھادوں کے متعلق ہدایات:

مکئی کی فی ایکڑ اچھی پیداوار کے حصول اور سفارش کردہ کھادوں کی صحیح مقدار کا تعین کرنے کے لیے، زمین کا تجزیہ کروانا بہت ضروری ہے۔ گروٹیک کسانوں کو اپنی زمین کا تجزیہ کروانے کی سفارش کرتا
ہے۔ تا کہ کم لاگت میں بہتر پیداوار کا حصول ممکن ہو سکے۔ کھادوں کے استعمال سے پہلے مکئ کی نشونما کی حالتوں کو سمجھنا بہت ضروری ہے تا کہ زمین کا تجزیہ کروانے کے بعد صحیح وقت پر صحیح خوراک
کا استعمال صحیح مقدار میں کیا جا سکے۔ مکئی کی فصل میں صحیح وقت پر صحیح خوراک ہی اچھی پیداوار کی ضمانت ہے۔

مکئی کی نشونما کی حالتیں اور سفارشات

حالتیں	عوامل	سفارشات
اگاؤ	8-10 دن میں مکمل	زمین کی تیاری فاسفورسی کھادوں کا بیجائی سے پہلےاستعمال سیڈ ٹریٹمنٹ جڑی بوٹی مار زہروں کا استعمال
پہلے اور دوسرے پتے کی حالت	اگاؤ کے 1 ہفتے بعد کی حالت جڑوں کی کم بڑھوتری	مناسب نمی اور خوراک
3 سے 4 پتوں کی حالت	اگاؤ کے 2 ہفتے بعد پودے کا قد 20 سینٹی میٹر	جڑی بوٹی ما ر زہروں کا استعمال دانے دار زہروں کا استعمال
5 سے 8 پتوں کی حالت	بھرپور بڑھوتری کا وقت چھلی کی لائینوں کا تعین شروع خوراک کا تیزی سے استعمال تنے کی بڑھوتری ٹیسل بننے کا عمل جاری ہر 3-4 دن بعد نئے پتے کا بننا	پانی اور خوراک کی اسٹریس کا نازک مرحلہ نائٹروجن دینے کا بہترین وقت

حالتیں	عوامل	منیجمنٹ
11-10 پتوں کی حالت	خوراک کا تیزی سے استعمال فاسفورس اور پوٹاشیم کا استعمال چھلی کے سائز اور دانوں کی تعداد کا فیصلہ جاری	خوراک اور پانی کا مناسب استعمال پوٹاش کا استعمال
13-12 پتوں کی حالت	لائنوں کی تعداد کا فیصلہ ہو چکا دانوں کی تعداد کا فیصلہ جاری خوراک کا تیزی سے استعمال	خوراک اور پانی کا مناسب استعمال
15-14 پتوں کی حالت	سلک بننے کا عمل شروع دانوں کی تعداد کا فیصلہ جاری ٹیسل مکمل ہو چکا لیکن باہر نہں نکلا	خوراک اور پانی کا مناسب استعمال نائٹروجن کی آخری مقدار
17-16 پتوں کی حالت	ٹیسل اور چھلی کا پودے سے باہر نکلنے کا عمل شروع	خوراک اور پانی کا مناسب استعمال
ٹیسلنگ	اگاو کے 50-55 دن بعد بڑھوتری کا مرحلہ مکمل ہو چکا چھلی کی لمبائی میں اضافہ جاری چھلی میں لائینوں اور دانوں کی تعداد کا فیصلہ مکمل	پانی کی کمی پولینیشن کا عمل متاثر کرے گی مناسب آبپاشی جاری رکھیں
سلکنگ	ٹیسلنگ کے 3 دن بعد سلکنگ شروع ہوتی ہے 3-5 دن میں پولینشن کے لئے تیار پولینیشن کا عمل 10 دن تک جاری سلک ایک رات میں 5-8 سینٹی میٹر تک بڑھتی ہے سلک پولی نیشن ہونے تک بڑھتی ہے	گرم اور خشک موسم پولینیشن میں کمی کا باعث بنتا ہے پانی کی کمی سے 5-7 فیصد تک فی دن پیداوار میں کمی آتی ہے
بلسٹر	فرٹیلائزیشن کے بعد سلک مرجھا کر ختم ہو جاتے ہیں چھلی کی لمبائی اور موٹائی مکمل ہو چکی فرٹیلائزیشن کے 10 دن بعد چھلی پر پانی کے دھبوں والے دانے بننا شروع ہوتے ہیں	مناسب وقفوں سے آبپاشی جاری رکھیں
ملکنگ یعنی دودھیا دانے کی حالت	فرٹیلائزیشن کے 20 دن بعد یہ حالت شروع ہوتی ہے دانے دودھیا اور پیلے رنگ کے ہوتے ہیں سٹریس دانوں کے پچکنے کا باعث بن سکتی ہے	مناسب وقفوں سے آبپاشی جاری رکھیں
ڈف اور ڈینٹنگ کی حالت	ملکنگ کے 1 ہفتے بعد شروع ہوتی ہے سادہ شوگرز کمپلیکس شوگرز میں تبدیل ہوتی ہے فرٹیلائزیشن کے 40 دن بعد دودھیا لائن نمودار ہوتی ہے دانے کا سائز بڑھ رہا ہوتا ہے	مناسب وقفوں سے آبپاشی جاری رکھیں آخری آبپاشی
فزیالوجیکل میچورٹی	فرٹیلائزیشن کے 50-60 دن کے بعد یہ حالت آتی ہے دانے کا سائز مکمل ہو چکا ہوتا ہے

زمین کی زرخیزی کے لحاظ سے مکئی کی ہائبرڈ اقسام کے لیے کھادوں کی سفارشات

زمین کی زرخیزی	مقدار غذائی اجزائ (کلو گرام فی ایکڑ)
کمزور زمین:نامیاتی مادہ 0.87% سے کم،فاسفورس 7 پی پی ایم سے کم اور پوٹاش 80 پی پی ایم سے کم ہوتا ہے۔	119 کلو گرام نائٹروجن فی ایکڑ 69 کلو گرام فاسفورس فی ایکڑ 50 کلو گرام پوٹاش فی ایکڑ
درمیانی زمین: نامیاتی مادہ 0.87% تا 1.29% ، فاسفورس 7 تا 14 پی پی ایم، اور پوٹاش 80 تا 180 پی پی ایم ہوتا ہے۔	92 کلو گرام نائٹروجن فی ایکڑ 58 کلو گرام فاسفورس فی ایکڑ 37 کلو گرام پوٹاش فی ایکڑ
زرخیز زمین: نامیاتی مادہ 1.29% سے زائد، فاسفورس 14 پی پی ایم سے زائد اور پوٹاش 180 پی پی ایم سے زائد ہوتا ہے۔	75 کلو گرام نائٹروجن فی ایکڑ 46 کلو گرام فاسفورس فی ایکڑ 25 کلو گرام پوٹاش فی ایکڑ

زمین کی زرخیزی کے لحاظ سے مکئی کی عام اقسام کے لیے کھادوں کی سفارشات

(بارانی علاقے)

علاقہ جات	مقدار غذائی اجزائ (کلو گرام فی ایکڑ)
کم بارش والے علاقے	نائٹروجن 34 کلو گرام، فاسفورس 23 کلو گرام اور پوٹاش 12 کلو گرام فی ایکڑ ڈالیں
زیادہ بارش والے علاقے	نائٹروجن 46 کلو گرام، فاسفورس 34کلو گرام اور پوٹاش25 کلو گرام فی ایکڑ ڈالیں

(آبپاش علاقے)

زمین کی زرخیزی	مقدار غذائی اجزائ (کلو گرام فی ایکڑ)
کمزور زمین:نامیاتی مادہ 0.87% سے کم،فاسفورس 7 پی پی ایم سے کم اور پوٹاش 80 پی پی ایم سے کم ہوتا ہے۔	92 کلو گرام نائٹروجن فی ایکڑ 58 کلو گرام فاسفورس فی ایکڑ 37 کلو گرام پوٹاش فی ایکڑ
درمیانی زمین: نامیاتی مادہ 0.87% تا 1.29% ، فاسفورس 7 تا 14 پی پی ایم، اور پوٹاش 80 تا 180 پی پی ایم ہوتا ہے۔	80 کلو گرام نائٹروجن فی ایکڑ 46 کلو گرام فاسفورس فی ایکڑ 37 کلو گرام پوٹاش فی ایکڑ
زرخیز زمین: نامیاتی مادہ 1.29% سے زائد، فاسفورس 14 پی پی ایم سے زائد اور پوٹاش 180 پی پی ایم سے زائد ہوتا ہے۔	70 کلو گرام نائٹروجن فی ایکڑ 35 کلو گرام فاسفورس فی ایکڑ 25 کلو گرام پوٹاش فی ایکڑ

کھادوں کی فی ایکڑ سفارشات

وقت استعمال		فاسفورس	نائٹروجن	پوٹاش	نامیاتی مادہ	زنک
زمین کی تیاری(بیجائی کے وقت)		1 بوری ڈی-اے-پی+2 بیگ بی-او-پی
اگاؤکے بعد	4-3 پتوں کی حالت	1 بیگ ایم-اے - پی	1 بیگ یوریا		10 لیٹر پوٹاشیم ہیومیٹ
	6-5 پتوں کی حالت		1 بیگ یوریا			10 لیٹر زنک سلفیٹ
	10-8 پتوں کی حالت		25 کلو یوریا+ 1 بیگ امونیم سلفیٹ	10 لیٹر پوٹاش 30 فیصد
	14-12 پتوں کی حالت		25 کلو یوریا	12.5 کلو پوٹاشیم سلفیٹ

نوٹ: اوپر دی گئی سفارشات درمیانے درجے کی زرخیز زمینوں کے لئے ہیں۔کھادوں کی مقدار کا تعین زمین کا تجزیہ کرنے کے بعد کریں۔

سائیلیج کے لیے کاشت کی گئی فصل میں نائٹروجن 25 فیصد ،فاسفورس 25 فیصد اور پوٹاش کی 50 فیصد کم مقدار استعمال کریں- اور 85-90 کی فصل کو برداشت کرلیں۔

زنک اور بوران کا استعمال

• جب پودا پانچ سے چھ پتوں کی حالت میں ہو تو ، 33 فیصد والا زنک سلفیٹ 6 کلوگرام یا 27 فیصد والا زنک 7 سے 7.5 کلو گرام یا زنک سلفیٹ 10 فیصد 10 لیٹر فی ایکڑ یا چیلیٹیڈ زنک 5 فیصد 2 کلوگرام فی ایکڑ ڈالنے سے فصل کی بہترین نشوونما، دانوں کی بھرپور جسامت ، مکمل بھرائی اور وزن میں اضافہ کے حصول کو یقینی بنایا جا سکتا ہے۔
• بوران کی کمی کی صورت میں بوریکس ( 11 فیصد بوران) بحساب 3 کلو گرام فی ایکڑ استعمال کرنے سے بھرپور پیداوار کا حصول ممکن بنایا جا سکتا ہے۔
• پوٹاشیم ہیومیٹ (ہیومک ایسڈ 10 فیصد + پوٹاش 3.5 فیصد) کااستعمال مکئی کی پیداوار میں خاطر خواہ اضافہ کا باعث بنتا ہے۔ بڑھوتری کے عمل کو تیز کرتا ہے۔فصل کو سرسبز و شاداب بناتا ہے۔جڑیں گھنی اور بہتر پرورش پاتی ہیں۔زمین کے مدافعتی نظام میں بہتری کے ساتھ ساتھ پی ایچ کو فصل دوست بناتا ہے۔مائیکرو نیوٹرینٹس کو چیلیٹ کرکے فصل کے قابل استعمال بنا کر کھادوں کی افادیت میں اضافہ کرتا ہے۔زمین کو نرم اور بھربھرا بناتا ہے۔
• 5-10 لیٹر فی ایکڑ نشوونما کی ابتدائی حالتوں میں یوریا کے ساتھ ملا کر فلڈ کریں۔

بی۔او۔پی کا استعمال

• بی۔او۔پی یعنی بائیو آرگینو فاسفیٹ بھی فاسفورسی کھادوں کا اچھا ذریعہ ہے۔ جس میں 20 فیصد فاسفورس کے ساتھ ساتھ 15 فیصد نامیاتی مادہ اور کروڑوں فاسفورس حل کرنے والے بیکٹیریا شامل ہوتے ہیں۔
• پودوں کے لئے 90 دن تک فاسفورس کی فراہمی کے ساتھ ساتھ زمین میں موجود منجمد فاسفورس کو بھی حل پذیر بناتی ہے۔جس سے پیداوار میں اضافہ ہوتا ہے۔
• ڈی۔اے۔پی کی فی ایکڑ مقدار آدھی کم کر کے 1 سے 2 بیگ بی۔او۔پی بیجائی کے وقت استعمال کریں۔

نوٹ: مندرجہ بالا سفارشات نامیاتی مادہ اور غذائی اجزائ کی مقدار کے لحاظ سے ہیں۔ گروٹیک آپ کے رقبے میں زمین کی زرخیزی کے لحاظ سے ہر کھیت کے اندر مختلف مقدار میں کھادوں کی سفارش کرتی
ہے، تا کہ فصل کی بھرپور پیداوار حاصل کی جا سکے۔

غذائی عناصر کی کمی کی علامات

مکئی کی فصل کی بیماریاں اور ان کا تدارک

مکئی کے نقصان دہ کیڑے اور ان کا تدارک

پت جھڑی لشکری سنڈی(Fall Army Worm)

فال آرمی ورم لشکری سنڈی کی ہی ایک قسم ہے،جو پاکستان سمیت مختلف افریقی اور ایشیائی ممالک میں پھیل چکا ہے۔ اس کا حملہ گزشتہ سال صوبہ پنجاب کے مکئی کے زیر کاشت علاقوں خصوصا بہاولنگر، ساہیوال،
اوکاڑہ اور چنیوٹ میں دیکھا گیا۔ عام لشکری سنڈی کے حملہ کے بر عکس یہ پتوں کے ساتھ ساتھ تنے اور چھلی کو بھی کھا کر پیداوار میں شدید نقصان کا سبب بنتی ہے۔ 30 سے 40 دنوں کی فصل پر اس کا حملہ زیادہ
ہوتا ہے اور یہ پیداوار میں 30 سے 35 فیصد تک نقصان کا باعث بنتی ہے۔

نوٹ: فال آرمی ورم کے تدارک کے لئیے فی ایکڑ پانی 140 لیٹر استعمال کریں۔سپرے ٹی-جیٹ نوزل سے کریں اور کوشش کریں کے سپرے کونپل کے اندر تک داخل ہو۔ایک وقت میں ایک ہی لائن
پر سپرے کریں۔

تدارک

نام زہر	مقدار فی ایکڑ	ہدایات
سپنٹورام 120 ایس سی یا ایما میکٹن بینزویٹ1.9 ای سی	100 ملی لیٹر 200 ملی لیٹر	چھوٹی سنڈی پر سپرے کریں (جب سنڈی کا رنگ ہلکا سبز اور سر سیاہی مائل ہو )
ایمامیکٹن بینزویٹ 1.9 ای سی + لوفینورون 50 ای سی	200 +200 ملی لیٹر	بڑی سنڈی پر سپرے کریں (سنڈی کا رنگ بھورا اور جسم پر سیاہ دھبے)

فال آرمی ورم سے متاثرہ پودا

کیمیائی انسداد کے متعلق اہم ہدایات:

سپرے کے بعد جڑی بوٹیوں کو چارہ کے طور پر ہرگز استعمال نہ کریں۔ بہاریہ مکئی میں جڑی بوٹی مار زہروں کا استعمال جڑی بوٹیاں اگنے کے بعد کریں۔ پانی کی فی ایکڑ مقدار 120 لیٹر رکھیں۔ سپرے کے لئے
صاف پانی کا استعمال کریں۔
تیز ہوا، بارش یا دھند میں سپرے نہ کریں۔
معیاری سپرے کے لئے (فلیٹ فین یا ٹی جیٹ) نوزل کا استعمال کریں۔

فصل کی برداشت

فصل صحیح طور پر پک جانے پر برداشت کریں، کچی چھلیاں توڑنے پر دانے سوکھ کر پچک جاتے ہیں اور وزن میں کمی واقع ہوتی ہے۔ جب دانوں کے نوک دار سرے کالے ہو جائیں اور دبانے پر دانوں میں
ناخن نہ چبھ سکے تو سمجھ لیں کے فصل تیار ہو گئی ہے۔ پکی ہوئی فصل کی برداشت میں ہرگز تاخیر نہ کریں، کیونکہ پودے گرنا شروع ہو جاتے ہیں اور بارش ہو جانے کی صورت میں دانوں میں پھپھوندی
لگ جاتی ہے۔ توڑنے کے بعد چھلیاں پردوں سے نکال کر کھلی جگہوں پر پھیلا دیں، اور جب دانہ دانتوں میں دبانے سے کڑک کی آواز کے ساتھ ٹوٹے تو سمجھ لیں کہ چھلیاں خشک ہو گئی ہیں۔ اس وقت
دانوں میں نمی تقریبا %15 ہوتی ہے، جنس کو ذخیرہ کرنے کے لیے نمی کا تناسب %10 ہونا چاہئے۔

گروٹیک

زراعت سے متعلق ٹیکنالوجی کمپنی ہے، جو پاکستان کے زراعت کے شعبے میں محرومیوں اور عدم استحکام کو ختم کرنے کے لیے جدید حل مہیا کرتی ہے۔ ہمارا مقصد پاکستان میں ہر کسان کو جدید ٹیکنالوجی
سے آراستہ کرنا ہے، تا کہ وہ اپنی زرعی اراضی سے موجودہ خرچ سے کم خرچ میں زیادہ سے زیادہ فائدہ حاصل کر سکے اور اس کے نتیجے میں اپنی زندگی کو بہتر بنا سکے۔

گروٹیک پاکستان میں مندرجہ ذیل خدمات پیش کر رہا ہے:

• مٹی کا تجزیہ
• پودوں کی صحت کا تجزیہ
• کھادوں کی سفارشات
• پودوں میں پانی کی کمی کا تجزیہ
• موسم کی صورتحال
• ایگری کامرس

پودوں کی صحت کا تجزیہ:

فصلوں کو وسیع پیمانے پر ہونے والے معاشی نقصان کی ایک بڑی وجہ پودوں میں صحت کا فقدان ہے۔ پودوں میں صحت کا فقدان ، فصل کے میعار اور مقدار کو متاثر کرتا ہے، لہذا اس مسئلے کے حل کے لیے
صحت کا جائزہ لینا اور بروقت ممکن اقدام اٹھانا انتہائی ضروری امر ہے۔
گروٹیک آپ کو آپ کی فصل کے پارے میں پافاعدہ اور پازہ پرٹن معلومات فراہم کرتا ہے۔ ہمارا پودوں کی صحت کا تجزیہ حل پودوں کی صحت اور کار کردگی اور ان علاقوں کی نشاندہی کر کے جہاں فوری
مداخلت کی ضرورت ہے،فصل کی صحت اور بہتر پیداوار کو یقینی بناتا ہے۔

کلیدی فوائد:

فصلوں کے مسائل کی بروقت تشخیص
زرعی اراضی کی سکاؤٹنگ اور نگرانی کو بہتر بنانا
فصل کی پیداوار کو زیادہ سے زیادہ کرنا

اہم خصوصیات:

سیٹلائیٹ پر مبنی نگرانی
درست معلومات
بروقت اور قابل عمل سفارشات

مندرجہ بالا تمام سہولیات آپ گھر بیٹھے اپنے موبائل پر حاصل کریں۔

مزید معلومات: www.growtechsol.com
www.facebook.com/growtechsol پر ملا حظہ کریں۔
یا آپ ہمیں اس نمبر 03213234980 پر کال بھی کر سکتے ہیں